Revenue Management Analyst | Dadansoddwr Rheoli Refeniw

Rydyn ni'n chwilio am Ddadansoddwr Rheoli Refeniw i fynd ati'n rhagweithiol i ddadansoddi marchnad Advance TrC a gwneud argymhellion strategol i'r Arweinydd Rheoli Refeniw a'r Pennaeth Prisio a Rheoli Refeniw ar gyfer strategaeth Rheoli Refeniw y dyfodol, gan geisio cynyddu refeniw y maes hwn ar yr un pryd â rheoli capasiti pellter hir.

• Mynd ati'n rhagweithiol i ddadansoddi marchnad Advance TrC a nodi cyfleoedd ar gyfer cynyddu refeniw.
• Yn seiliedig ar ddadansoddiad craff, datblygu argymhellion strategol tymor hir ar gyfer cyfeiriad y farchnad Advance.
• Rhoi newidiadau i strategaeth y farchnad Advance ar waith yn y system Rheoli Refeniw, gan sicrhau'r enillion mwyaf posib i TrC a rheoli capasiti seddi ar wasanaethau pellter hir.
• Rheoli marchnad Advance TrC drwy gyfuniad o systemau (y System Rheoli Refeniw a'r System Archebu Genedlaethol), gan sicrhau bod gwasanaethau y gellir eu harchebu yn agored a bod tocynnau Advance ar gael i'w prynu ar y gwasanaethau hyn.

• Sylw trylwyr i fanylion.
• Gallu dethol canfyddiadau allweddol o wybodaeth sy'n aml yn gymhleth a'u trosi'n adroddiadau/cyflwyniadau yn unol ag amserlenni tynn.
• Gallu cyfathrebu'n effeithiol ar bob lefel yn y sefydliad.
• Y gallu a'r cymhelliant i ddatblygu dealltwriaeth fanwl o rwydwaith TrC a'r hyn sy'n sbarduno llwyddiant mewn busnes.

Er nad yw sgiliau Cymraeg yn hanfodol ar gyfer y swydd hon, byddent yn ychwanegiad gwych at eich cais.

Mae TrC yn cefnogi unrhyw un sydd eisiau dysgu Cymraeg neu wella ei sgiliau. Rydyn ni'n cynnig cyfleoedd dysgu ar-lein, cyrsiau ystafell ddosbarth, a chyllid i fynd ar gyrsiau yn y gymuned leol.

Rydyn ni'n newid y ffordd y mae'r diwydiant trafnidiaeth yn edrych. Drwy ddathlu a chroesawu gwahaniaethau, rydyn ni'n datblygu gweithlu sy'n cynrychioli Cymru. Mae angen i ni gael pobl ddawnus o bob cefndir a diwylliant i ddod i rannu eu safbwyntiau a'u profiadau. Mae timau amrywiol yn gwneud penderfyniadau gwell ac yn sbarduno arloesedd. Ymunoj â ni i drawsnewid y ffordd y mae Cymru'n teithio.

Mae Trafnidiaeth Cymru yn newid y ffordd y mae Cymru'n teithio, gan sicrhau mai trafnidiaeth gynaliadwy yw'r dewis cyntaf. Rydyn ni'n datblygu rhwydwaith trafnidiaeth integredig aml-ddull o'r enw Rhwydwaith T, i'w gwneud hi'n haws i bobl deithio ar y trên, ar y bws, ar droed, ar olwynion ac ar feic.

Edrychwch ar y Disgrifiad Swydd yn yr atodiad i gael rhagor o fanylion ac i gael gwybod sut mae gwneud cais. Os ydych chi'n awyddus i gael gwybod mwy am ein gwaith yng Nghymru, darllenwch yr Adroddiad Blynyddol.

Rydyn ni'n Arweinydd Hyderus o ran Anabledd. Rhowch wybod i ni am unrhyw addasiadau rhesymol y gallai fod eu hangen arnoch yn y broses recriwtio neu fel rhan o'r swydd os byddwch chi'n llwyddiannus.

Bydd yr hysbyseb hon yn cau am 23:59 ar y dyddiad cau uchod. Fodd bynnag, rydyn ni'n cadw'r hawl i wrthod derbyn mwy o geisiadau ar gyfer y swydd wag os bydd digon wedi dod i law. Felly, cyflwynwch eich cais cyn gynted â phosibl.