Swyddog Datblygu Prosiectau

Hafan Swydd

Mae Dysgu Cymraeg Morgannwg (Prifysgol De Cymru) yn darparu cyrsiau Cymraeg i oedolion ar bob lefel gan gynnwys cyrsiau wythnosol, dwys, bloc, Cymraeg yn y cartref a chyrsiau gweithle. Mae Dysgu Cymraeg Morgannwg yn chwilio am Swyddog Datblygu Cymraeg Gwaith a Phrosiectau er mwyn cynllunio, monitro a datblygu’r ddarpariaeth o fewn Dysgu Cymraeg Morgannwg, un o 9 darparwyr Cymraeg i oedolion o dan goruchwyliaeth y Ganolfan Dysgu Cymraeg Genedlaethol.

Cynhelir y dosbarthiadau mewn lleoliadau amrywiol ar draws rhanbarth Pen-y-bont, Rhondda Cynon Taf, Merthyr ac ar-lein.

Bydd y swydd wedi’i lleoli ym Mhontypridd, gyda’r opsiwn i weithio’n hybrid dros 5 diwrnod yr wythnos.

Am sgwrs anffurfiol am y swydd hon, cysylltwch â Cath

Darganfyddwch fanteision gweithio i PDC:

Mae Prifysgol De Cymru wedi ymrwymo i ddiogelu a hyrwyddo lles plant, pobl ifanc ac oedolion agored i niwed. Disgwylir i bawb sy'n gweithio yn y Brifysgol rannu'r ymrwymiad hwn.

Rydym wedi ymrwymo i gyflogi gweithlu amrywiol a chreu amgylchedd cynhwysol. Lle gall cydweithwyr fod yn nhw eu hunain a phob person yn cael ei drin ag urddas, tegwch a pharch. Rydym yn annog ceisiadau o gefndiroedd a chymunedau amrywiol, yn enwedig o ran oedran, anabledd, hunaniaeth rhywedd, cyfeiriadedd rhywiol, hil a chrefydd a/neu gred. Rydym yn meincnodi ein llwyddiant trwy achrediadau cydraddoldeb gydag Athena Swan, Siarter Cydraddoldeb Hil, Stonewall a Hyderus o ran Anabledd.

Os ydych chi’n ddysgwr Cymraeg neu’n siarad Cymraeg, byddwn ni’n falch o dderbyn eich cais. Bydd gennych fynediad i gyrsiau Cymraeg i’ch galluogi i ddatblygu eich sgiliau Cymraeg ymhellach, er mwyn darparu gwasanaeth dwyieithog i’n myfyrwyr, cydweithwyr a’r cyhoedd.

Rydym yn croesawu ceisiadau yn Gymraeg ac yn Saesneg. Ni fydd ceisiadau Cymraeg yn cael eu trin yn llai ffafriol na’r rhai a wneir yn Saesneg.