Rheolwr Prosiect | Project Manager

Bydd rôl y Rheolwr Prosiect yn cyflawni prosiectau sy’n ymwneud â thrafnidiaeth gynaliadwy yn unol â pholisi a strategaeth trafnidiaeth Llywodraeth Cymru, gan gynnwys cefnogi Arweinydd y Rhaglen Cyflawni Teithio Llesol, er mwyn darparu Rhaglen Tref i Arddangos Cerdded, Beicio a Theithio ar Olwynion.

• Cyflawni amrywiaeth o brosiectau sy’n ymwneud â thrafnidiaeth gynaliadwy, drwy ddefnyddio methodolegau cylch bywyd prosiect cadarn (fel APM neu PRINCE2), gan gynnwys rhoi cynllun y prosiect ar waith, llunio amserlen o’r holl dasgau, cerrig milltir allweddol a rheoli adnoddau i sicrhau bod y rhain yn cael eu cwblhau’n ddiogel ac mewn da bryd, yn unol â’r gyllideb ac i ansawdd uchel.
• Darparu gwasanaeth rheoli prosiectau proffesiynol ac effeithiol, gan gynnwys trefniadau llywodraethu, prosesau adrodd, gweithgorau technegol a grwpiau llywio gweithredol, yn unol â’r prosesau a’r amserlenni angenrheidiol i sicrhau bod y prosiectau’n cyd-fynd â phrosesau WelTAG, Pyrth Cyfnodau Cynllun Gwaith Trafnidiaeth Cymru (TrC), a’u bod yn cael eu cyflawni o safon ac yn unol â’r gyllideb.
• Rheoli cyllideb y prosiect drwy gysylltu â’r Partner Busnes Cyllido priodol ac Arweinydd y Prosiect, gan uwchgyfeirio unrhyw amrywiadau lle bo angen i sicrhau bod y costau’n aros o fewn y gyllideb y cytunwyd arni.
• Rheoli ac arwain timau prosiectau drwy gydweithio â chydweithwyr mewnol a chontractwyr allanol, Awdurdodau Lleol, rhanddeiliaid a r gadwyn gyflenwi i sicrhau bod y prosiectau’n cyflawni canlyniadau.

• Gradd mewn pwnc perthnasol fel Busnes, Cynllunio Trafnidiaeth, Peirianneg Ddaearyddol (neu debyg), neu brofiad gwaith cyfatebol amlwg.
• Meddu ar gymhwyster Rheoli Prosiectau fel APM neu PRINCE2, neu’n gweithio tuag at hynny
• Profiad blaenorol o weithio gyda phrosiectau sy’n ymwneud â thrafnidiaeth gynaliadwy.
• Profiad blaenorol o weithio ac ymgysylltu â rhanddeiliaid mewnol ac allanol, fel swyddogion y sector cyhoeddus a/neu’r llywodraeth ar lefel leol, rhanbarthol neu genedlaethol.

Er nad yw sgiliau Cymraeg yn hanfodol ar gyfer y swydd hon, byddent yn ychwanegiad gwych at eich cais.

Mae TrC yn cefnogi unrhyw un sydd eisiau dysgu Cymraeg neu wella ei sgiliau. Rydyn ni’n cynnig cyfleoedd dysgu ar-lein, cyrsiau ystafell dosbarth, a chyllid i fynd ar gyrsiau yn y gymuned leol.

Rydyn ni’n newid y ffordd y mae’r diwyd

IANT trafnidiaeth yn edrych. Drwy ddathlu a chroesawu gwahaniaethau, rydyn ni’n datblygu gweithlu sy’n cynrychioli Cymru. Mae angen i ni gael pobl ddawnus o bob cefndir a diwylliant i ddod i rannu eu safbwyntiau a’u profiadau. Mae timau amrywiol yn gwneud penderfyniadau gwell ac yn sbarduno arloesedd. Ymunwch â ni i drawsnewid y ffordd y mae Cymru’n teithio.

Mae Trafnidiaeth Cymru yn newid y ffordd y mae Cymru’n teithio, gan sicrhau mai trafnidiaeth gynaliadwy yw’r dewis cyntaf. Rydyn ni’n datblygu rhwydwaith trafnidiaeth integredig aml-ddull o’r enw Rhwydwaith T, i’w gwneud hi’n haws i bobl deithio ar y trên, ar y bws, ar droed, ar olwynion ac ar feic.

Edrychwch ar y Disgrifiad Swydd yn yr atodiad i gael rhagor o fanylion ac i gael gwybod sut mae gwneud cais. Os ydych chi’n awyddus i gael gwybod mwy am ein gwaith yng Nghymru, darllenwch yr Adroddiad Blynyddol.

Rydyn ni’n Arweinydd Hyderus o ran Anabledd. Rhowch wybod i ni am unrhyw addasiadau rhesymol y gallai fod eu hangen arnoch yn y broses recriwtio neu fel rhan o’r swydd os byddwch chi’n llwyddiannus.

Bydd yr hysbyseb hon yn cau am 23:59 ar y dyddiad cau uchod. Fodd bynnag, rydyn ni’n cadw’r hawl i wrthod derbyn mwy o geisiadau ar gyfer y swydd wag os bydd digon wedi dod i law. Felly, cyflwynwch eich cais cyn gynted â phosibl.

Sylwch fod yn rhaid i chi ddal yr hawl barhaol i weithio yn y DU. Nid ydym yn gallu darparu nawdd ar hyn o bryd.