Sjukepleiar og nysgjerrig på hjernen og nervesystemet

Vi har no ledig vikariat som sjukepleiar i 100 % stilling.

Hos oss får du jobbe tett på pasientar som treng både akutt behandling og tidleg rehabilitering. Kvardagen er variert, og du blir ein del av eit tverrfagleg team med fysioterapeutar, ergoterapeutar, logoped og flinke kollegaer som jobbar tett saman.

Avdelinga vår består av poliklinikk, EEG-laboratorium og ein sengepost med 14 plassar – 6 på slagseksjonen og 8 på generell nevrologisk seksjon.

Nevrologi er eit spennande fagfelt i rask utvikling – og hos oss får du møte både akutt og kronisk sjuke pasientar. Vi ser heile mennesket, både dei fysiske og psykososiale behova, og jobbar tett på både pasientar og pårørande. Du blir ein del av eit kollegium som stiller opp for kvarandre og gir deg ansvar og støtte i kvardagen.

Vi har fokus på fag og kvalitet – hos oss er både kursdagar og personalmøte ein fast del av turnusen. I 2027 flytter vi inn i heilt nye og moderne lokale, noko vi ser fram til.

👉 Høyrest dette spennande ut? Vi håper du har lyst til å bli med oss.

• Ta imot og følgje opp pasientar gjennom heile opphaldet
• Gi opplæring og rettleiing til pasientar og pårørande
• Samarbeide tverrfagleg for å sikre eit godt og trygt opphald for pasientane
• Rettleie studentar og bidra til fagleg utvikling i avdelinga
• Autorisert sjukepleiar
• Gode språkkunnskapar er heilt avgjerande for forsvarleg pasientbehandling. Ikkje-nordiske
  -statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad.
• bidreg positivt til eit fagleg og kollegialt godt arbeidsmiljø
• er nysgjerrig og ser etter løysningar når det trengst

Personlege eigenskapar blir vektlagd

• Fagleg utvikling gjennom kursdagar i turnus og moglegheit for å delta på kurs.
• God opplæring. Vi tek godt vare på deg heile opplæringstida.
• Ein spennande avdeling med godt arbeidsmiljø.

Helse Fonna har rundt 4200 medarbeidarar som jobbar for å gi best mogleg behandling og pleie til pasientane. Vår oppgåve er å gi spesialiserte helsetenester til dei over 180 000 innbyggarane i Sunnhordland, Indre Hardanger og Nord-Rogaland.

Helse Fonna ønsker så langt som råd å avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.