Facilities and Lifecycle Project Manager

Overview

Mae'r swyddi hyn yn rhan o’r tîm Rheoli Cyfleusterau ac Ystadau, a bydd deiliaid y swyddi yn rheoli aelod o'r tîm ac yn gweithio ar y cyd â'r gwasanaeth Rheoli Cyfleusterau ac Ystadau ehangach i sicrhau ymagwedd un tîm ar gyfer cwsmeriaid. Bydd deiliaid y swyddi yn atebol i'r Uwch-reolwr Contractau Rheoli Cyfleusterau a Phrosiectau Cylch Oes.

Bydd deiliaid y swyddi yn bennaf yn gyfrifol am weithredu a rheoli bob dydd y contractau cynnal a chadw a’r contractau dodrefn, gan sicrhau bod ein holl rwymedigaethau iechyd a diogelwch a chydymffurfio statudol yn cael eu bodloni’n llawn, a chan reoli prosiectau cylch oes ar ystad y Senedd. Mae'r rôl hefyd yn cefnogi’r rôl o reoli’r contractau arlwyo a glanhau ac mae’n cyfrannu at oruchwylio a rheoli'r gyllideb Rheoli Cyfleusterau ac Ystadau flynyddol o £8 miliwn a chyllid ychwanegol a ddyrennir ar gyfer prosiectau cylch oes.

Yn ogystal â hyn, bydd deiliad y swydd yn chwarae rhan annod yn y gwaith o ddatblygu a gweithredu ein strategaeth "Dyfodol yr Ystad" ochr yn ochr â gweithredu'r argymhellion o'r rhaglen Ffyrdd o Weithio a chefnogi prosiectau gwaith ffisegol yr adran Rheoli Ystadau a Chyfleusterau ar gyfer Diwygio'r Senedd.