Irish Language Commissioner – Executive Office

CEAPACHÁN FÁ CHOINNE COIMISINÉIR TEANGA DON GHAEILGE

Tá Oifig an Fheidhmeannais (OF) ag iarraidh Coimisinéir Teanga don Ghaeilge a cheapadh.

Tá muid ag lorg duine spreagúil atá díograiseach tiomanta leis an deis ar leith seo a thapú leis an fhorbairt ar úsáid na Gaeilge sna húdaráis phoiblí a chosaint agus a fheabhsú. I dtaca leis an ról seo, beidh gá le duine a bhfuil na nithe seo a leanas aige: tuigse dhomhain ar bheartas teanga; dea-chuntas i ngnóthú an tsoláthair rathúil;

scileanna abhcóideachta; agus tiomantas láidir don ról.

Beidh an té a cheapfar in ann na buanna agus an taithí s’aige a thabhairt isteach leis an tionchar is mó agus is féidir a imirt agus é sa ról seo. Comhoibreoidh an té seo le réimse leathan páirtithe leasmhara – ina measc sin, na ranna rialtais, na húdaráis phoiblí, agus grúpaí pobail – le timpeallacht ionchuimsitheach a chruthú agus cuspóirí an róil a bhaint amach.

Beidh an sealbhóir poist ina Oifigeach Cuntasaíochta agus beidh sé freagrach don Tionól as an úsáid a bhaineann an comhlacht as acmhainní lena fheidhmeanna a chomhlíonadh.

Is ceapachán lánaimseartha é an post seo a mhairfidh tréimhse 5 bliana, agus beidh an fhéidearthacht ann go ndéanfar é a athnuachan don dara téarma, faoi réir feidhmíocht shásúil.

Beidh an luach saothair don Choimisinéir ar aon dul leis an méid atá ag an Státseirbhís Shinsearach (SSS) i Státseirbhís Thuaisceart Éireann (coibhéiseach le Grád 5 agus taobh istigh den raon £79,237 go £88,908 in aghaidh na bliana – faoi athbhreithniú).

Is ceapachán inphinsin é seo. Beidh speansais réasúnta taistil agus chothaithe iníoctha de réir rátaí Státseirbhís Thuaisceart Éireann (SSTÉ).

Más rud é go bhfuil an phearsantacht, an tiomantas, agus an fuinneamh agat le fíorthionchar a imirt sa réimse oibre seo, beidh muid iontach sásta iarratas a fháil uait.

Comhionannas Deiseanna: Tá OF tiomanta do phrionsabail na gceapachán poiblí atá bunaithe ar thuillteanas, agus do mheasúnú neamhspleách, oscailteacht agus trédhearcacht sa phróiseas. Tá OF tiomanta do chomhionannas deiseanna a thabhairt agus fáiltíonn sé roimh iarratais ó iarratasóirí beag beann ar inscne, aois, stádas pósta, míchumas, creideamh, eitneacht, barúil pholaitiúil, gnéaschlaonadh, nó bíodh cleithiúnaithe ag an iarratasóir nó ná bíodh.

An Suíomh Oibre fá Láthair: Tá sé seo le socrú, ach is dócha go mbeidh sé i mórcheantar Bhéal Feirste.

Le heolas níos mionsonraithe a fháil agus le heolas a fháil ar an dóigh le hiarratas a dhéanamh, iarrtar ort a ghabháil chuig .

Thig leat pacáiste iarratais a iarraidh i bhformáidí eile ach teagmháil a dhéanamh le HRConnect ar 0800 , nó fríd ríomhphost chuig re

In iarratas ar bith, caithfidh tú d’ainm, do sheoladh agus an uimhir thagartha IRC
307750 a chur isteach leis.

Déanfar achan oiriúnú réasúnta le freastal ar riachtanais na n-iarratasóirí/iarrthóirí atá faoi mhíchumas agus cuirfear prionsabail na Scéime um Agallamh Geallta i bhfeidhm do na hiarratasóirí sin.

Caithfear na foirmeacha iarratais atá comhlánaithe a sheoladh ar ais sa dóigh is nach gcuirtear isteach iad níos moille ná 12 meán lae (am na Ríochta Aontaithe) ar an Aoine an 28 Márta 2025.

Táthar ag dréim le go gcuirfear an measúnú ar inniúlacht sa Ghaeilge ar siúl i mBéal Feirste le linn Mhí na Bealtaine 2025 agus go mbeidh na hagallaimh i mBéal Feirste le linn Mhí an Mheithimh 2025.